فهمونى..انك مقبرة الغزاة

يا مصر

اه..عليكى لما تلملمى توبك الابيض

وتبان الحنة فى كعبان رجليكى

والدم غطى على الحنة

صعبان عليا

المأجور ولد وكبر وشرب من نيلك

وبيغتال الولد من جيلك

وقرآنك وانجيلك

دا لا شرب ولا ارتوى من نيلك

مأجور .جبان

ندوسه .ننساه

الدنيا لهياه

نخاصمه والضهر نديله

نعاقبه وعدم الكلام وياه

يامصر

ياأم الدنيا

اوعاكى تقسى ولا تنسى

برضوا دول ولادك

والمقبرة للغزاه

حبالك شديدة

وجبالك وتيدة

ونهرك ياما غسل

من الطهر والوضا

دنس ويا زنوب

حمولك على الله

مراسيكى كتيرة

شا الله ياارض الله

محروسة بسكانك

بقرأنك

وحافظك الله

مهما يعملوا ويشيعوا من الفوضى

فاكرك مقبرة الغزاه

سلاحهم فسد وافساد

وصوتك الله اكبر

سلاحهم تخريب وتدمير

وصوتك الله المعين

سلاحهم هم وغم

وصوتك الله اكبر

سلاحهم ترويع وتقتيل

وصوتك الله المستعان

الله على ايمانك

الله على سلامك

الله على ولادك

لما تطبطبى وتقولى

قلبى مش حجر

وتسامحى

وتكبرى فى عيون ولادك

يامصر ياعفية

يجوز ويمكن

تمرضى

وتحزنى

وتتعل من جواكى الدمعة الابية

لكن عارفينك

تملى انت الام

انت القوية

انت الصابرة

انت العفية

فهمونى انك اكبر من الاحزان ديا

وانا عارفك

قوية

ومقبرة الغزاة

سلاحك فى كفاحك

والخسران ....هو

المضلل والمغيب والمأجور

واللى باع حق الوطن

اللى روع

اللى قتل

اخوه وصاحبة وجاره

مهما حصل

منصورة يامصر

فى الوقت القريب

مش كتير ومش بعيد

الله اللى حافظك

وخير اجنادك

فهمونى وعارفك

مقبرة الغزاه

يموت الغريم

يموت كل حسادك

يموت العدو

يتقهر .ينحسر .ينهزم

محسوبة اقدارك

عدوك

فى مقبرة الغزاة

الله يحميكى

الله يرضيكى

اوعاكى تخدينى وبخاطرك

وسامحينى

يامصر

سامحينى يا مصر

يااللى هدومى من خيرك

وقوتى من ارضك ومن خيرك

سامحينى يامصر

وحياة نهرك

وحياة نيلك

سامحينى يامصر

وقرآنك وانجيلك

من بكرة انا

مش هانسى انى شربت من نيلك

عودك وعوادك

ايدى وساعدى

وضربة الفاس

هاازرع واروى

حبات القمح سنابيلك

ويعرق الجبين

فى الخوض عن ارضك وعرضك

وتدور العجل

بمهندسينك بعمالك

ويعم الخير

وتنسى احزانك

وننسى حزن امبارح

واحنا خير اجنادك

فدا ترابك

يامصر ياحتة من السما

ياصوت الندا

الله اكبر

حى على الفلاح

حى على الكفاح

حى على العمل

حى على الصلاة

جندك وحراسك

احنا فدا كى

يامصر